ប្រជាជនក្រីក្រកម្ពុជាអាចទទួលផលអ្វីខ្លះ ពីការឡើងថ្លៃនៃអចលនទ្រព្យ?

ភ្នំពេញ ៖ នៅកម្ពុជាបច្ចុប្បន្នកំពុងមានការអភិវឌ្ឍទៅលើគ្រប់វិស័យ ជាពិសេសវិស័យអចលនទ្រព្យដែល កំពុងរីកដុះដាលយ៉ាង ខ្លាំងទាំងបណ្ដា ខេត្ត និងនៅក្រុងភ្នំពេញ ដែលធ្វើឲ្យតម្លៃអចលនទ្រព្យនៅកម្ពុជាមានការឡើងថ្លៃជាលំដាប់។ ហើយនៅកម្ពុជាយើងបច្ចុប្បន្នក៏មានកំណើនប្រជាជនកើនឡើង ដែលតម្រូវការលំនៅដ្ឋានមានការកើនឡើង ក៏ប៉ុន្តែចំពោះការកើនឡើងថ្លៃអចលនទ្រព្យវិញតើមានឥទ្ធិពលយ៉ាងណាចំពោះប្រជាជនក្រីក្រ?

តាមការយល់ឃើញរបស់លោកវ៉ា វិរៈ ដែលជាCEO របស់ក្រុមហ៊ុន Century 21 បានយល់ឃើញថាចំពោះការឡើងថ្លៃអចលនទ្រព្យគឺមានចំណុចល្អនិងចំណុចមិនល្អមួយចំនួនផងដែរ៖

ចំណុចល្អនោះគឺ៖ ចំពោះអ្នកដែលគាត់មានអចលនទ្រព្យហើយស្របពេលដែលតម្លៃអចលនទ្រព្យឡើងថ្លៃចឹងធ្វើឲ្យគាត់អាចទទួលបានប្រាក់ចំណូលច្រើនក្នុងការលក់អចលនទ្រព្យ ហើយចំពោះអ្នកវិនិយោគក្នុងវិស័យអចលនទ្រព្យអាចលក់បានប្រាក់ចំណូលច្រើនហើយគួបផ្សំជាមួយនិងកម្រៃជើងសារគិតជាភាគរយបានច្រើនទៅតាមនោះដែរ ចំណុចមិនល្អគឺ៖ ចំពោះប្រជាជន៧០%ទៅ៨០%ដែលគាត់មានចំណូលទាបឬមធ្យមមានផលប៉ះពាល់មួយចំនួន ដែលគាត់មិនទាន់មានផ្ទះឬដីផ្ទាល់ខ្លួនសម្រាប់តម្រូវការលំនៅដ្ឋាន​ ស្របពេលដែលតម្លៃអចលនទ្រព្យកើនឡើង

ដូច្នេះគាត់អាចនិងគ្មានលទ្ធភាពគ្រប់គ្រាន់ក្នុងការទិញអចលនទ្រព្យនោះ ហេតុនេះហើយចំពោះការឡើងថ្លៃអចលនទ្រព្យអាចធ្វើឲ្យមានផលប៉ះពាល់ដល់ប្រជាជនក្រីក្រក្នុងតម្រូវការលំនៅដ្ឋានឬក៏តម្រូវការដីធ្លីសម្រាប់ជីវភាពប្រចាំថ្ងៃរបស់ពួកគាត់។

ប្រភព​ ៖ Business Cambodia