ការទិញលក់អចលទ្រព្យនៅកម្ពុជា ហាក់ថមថយ តម្លៃនៅថេរ តែជាឱកាសល្អសម្រាប់ចំណេញ

ភ្នំពេញ ៖ ប៉ុន្មានឆ្នាំចុងក្រោយនេះ វិស័យអចលនទ្រព្យ នៅកម្ពុជាមានសន្ទុះយ៉ាងខ្លាំងគួរឱ្យកត់សម្គាល់ដែលបានស្រូប ទាញវិនិយោគិនបរទេសមកបោះទុនវិនិយោគរាប់ពាន់លានដុល្លារ ជាមួយនឹងគម្រោងរាប់រយគម្រោងផងដែរ។

ជាពិសេស គឺវិនិយោគិនចិនដែលឈរនៅលំដាប់លេខ១ក្នុងការវិនិយោគនៅកម្ពុជា ហើយថែមទាំងប្រទេសជាច្រើនទៀតផងដែរ។ ចំពោះការសម្រុកមកវិនិយោគយ៉ាងខ្លាំងរបស់ជនជាតិគឺបានធ្វើឱ្យតម្លៃអចលនទ្រព្យមានសន្ទុះកាន់តែខ្លាំងឡើង។

ប៉ុន្តែ បន្ទាប់ពីជនជាតិចិន ចាកចេញពីកម្ពុជា បន្ទាប់ពីរាជរដ្ឋាភិបាលបិទអាជីវកម្មអនឡាញ ព្រមទាំងវិបត្តកូវីត១៩កំពុងរាតត្បាតលើ ពិភពលោក ធ្វើឲ្យ ការទិញលក់អចនទ្រព្យនៅតំបន់ជាយដែន ហាក់ស្ងប់ស្ងាត់ជាងមុនស្ទើរតែ៨០ភាគរយ ។

ត្បិតតែការទិញ លក់ មានភាគរយតិច តែតម្លៃអចលទ្រព្យ នៅមិនទាន់ចុះថ្លៃនោះទេ ព្រោះតែ ពួកគាត់មិនអាចលក់ចេញឲ្យខាតបានឡើយ ព្រោះគាត់នៅរំពឹងថា អចលនទ្រព្យ នឹងអាចងើបឡើងវិញ នៅពេលវិនិយោគគិនចិន ឬកូរ៉េ ជប៉ុន ម៉ាឡេស៊ី ឈានជើងចូលប្រទេសកម្ពុជាម្តងទៀត។

បើយោងតាម ច្រឹក សុខនីម ប្រធានសមាគមអ្នកវាយតម្លៃ និង ភ្នាក់ងារអចលនវត្ថុកម្ពុជា បាន មាន ប្រសាសន៍ការចាកចេញរបស់ ចិន ហាក់ដូចជាមិនប៉ះពាល់អ្វីទេ ដល់ការវិនិយោគក្នុងប្រទេសកម្ពុជា ព្រោះចិនដែលចេញពីកម្ពុជាជាចិនលេងល្បែង។ ផ្ទុយទៅវិញចិន ដែល​ជាអ្នក ​វិនិយោគនឹងមកជំនួសវិញនៅពេលអនាគត ដូច្នេះការ វិនិយោគនានានៅកម្ពុជានាពេលខាង មុខនឹងកាន់តែមាន​ច្រើនឡើង​ហើយ​កម្ពុជា​ត្រូវត្រៀមខ្លួន ទទួលយកវិនិយោគិនទាំងនោះ ដើម្បីសហការរាល់​គម្រោងវិនិយោគផ្សេងៗជាច្រើនទៀត ។

បច្ចុប្បន្ននេះ ហាក់មានភាពស្ងប់ស្ងាត់ក៏ពិតមែន តែក៏ជាឱកាសចំណេញមួយនៅពេលអនាគត ដែលអាចនឹង​មាន​វិនិយោគិនចិនមកវិនិយោគ ហើយអាចនឹងមានសក្ដានុពលខ្លាំងក្លាជាមុនទៅទៀត។

យ៉ាងណាមិញ រាជរដ្ឋាភិបាលកម្ពុជាកំពុងនឹងផ្សព្វផ្សាយពីការទាក់ទាញវិនិយោគិនចិន មកបណ្ដាក់ទុនវិនិយោគលើវិស័យផ្សេងៗ ជាច្រើនខណៈ កំណើនសេដ្ឋកិច្ចរបស់ចិនបាននិង កំពុងនាំមុខគេក្នុងតំបន់ផងដែរ ។

ប្រភព ៖ Business Cambodia