ច្បាប់ភូមិបាលៈ អ្វីទៅដែលហៅថាសេវភាព?
អំពីសេវភាព=ដូចម្ដេចដែលហៅសេវភាព?
មាត្រា១៤២=ដែលហៅថាសេវភាពគឺដីបន្ទុកផ្ទុកទៅលេីដីមួយ ដីមួយហៅថាដីបម្រើ ឬដីក្រោម សម្រាប់ការប្រើប្រាស់និងជាប្រយោជន៍អោយទៅដីមួយទៀតដែលគេហៅថាដីប្រេីរឬដីលេីដែលជារបស់ម្ចាស់កម្មសិទ្ធិករផ្សេងម្នាក់ទៀត។ នេះគេអោយនិយមន័យថា ជាសេវភាព។ មាត្រា=១៤៣ សេវភាពកេីតពីធម្មជាតិ កេីតពីច្បាប់ឬកេីតពីការព្រមព្រៀងអាស្រ័យដោយស្ថានភាពនៃទីកន្លែង ដោយការកំណត់របស់ច្បាប់ឬ ដោយការព្រមព្រៀង រវាងកម្មសិទ្ធិករ។ សេវភាពចែកចេញជាពីរប្រភេទ៖ សេវភាពកេីតចេញពីធម្មជាតិ និង សេវភាពកេីតចេញពីច្បាប់
តេីអ្វីទៅជាសេវភាពកេីតចេញពីធម្មជាតិ?
បេីយោងតាមមាត្រា១៤៤=ដីក្រោមត្រូវទទួលទឹកដែលហូរតាមធម្មជាតិពីដីលេី។ កម្មសិទ្ធិករនៃដីក្រោមមិនអាចលើកទំនប់ ភ្លឺ របាំងឬ សំណង់ដ៏ទៃទៀតទប់ស្កាត់ការហូរនេះបានទេ។ ហេីយបេីទោះបីជាជាសេវភាពតាមធម្មជាតិក៏ដោយ កម្មសិទ្ធិករនៃដីលេីក៏មិនអាចធ្វើអ្វីដែលធ្វើអោយកាន់តែធ្ងន់ធ្ងរដល់សេវភាពនៃដីក្រោមបានឡើយ។
តេីម្ចាស់កម្មសិទ្ធិករនៃដីលេីអាចមានសិទ្ធិចាត់ចែង ទឹកភ្លៀងដែលធ្លាក់ចុះពីលើ ព្រមទាំងទឹកដែលផុសនៅទីនោះដែរឬទេ?
បេីតាមមាត្រា១៤៥=ម្ចាស់កម្មសិទ្ធិករនៃដីលេីអាចមានសិទ្ធិចាត់ចែងទឹកភ្លៀងដែលធ្លាក់ចុះពីលើព្រមទាំងទឹកដែលផុសនៅទីនោះលេីកលែងការប្រើប្រាស់នោះវាប៉ះពាល់ដល់ទៅដល់ប្រយោជន៍កម្មសិទ្ធិករម្ខាងទៀតដែលនៅខាងក្រោម។ មាត្រា១៤៥=កម្មសិទ្ធិករនៃដីដែលស្ថិតនៅជាប់ផ្លូវទឹកហូរត្រូវទុកអោយទឹកហូរទៅលើដីជិតខាង ហើយ កម្មសិទ្ធិករនៃដីជិតខាងក៏ត្រូវមាន កាតព្វកិច្ចដូចគ្នា ចំពោះដីនៅឆ្ងាយទៅតាមតម្រូវការនៃ កសិកម្ម។
អំពីសេវភាពកេីតពីច្បាប់ តេីសេវភាពកេីតពីច្បាប់មានគោលដៅដូចម្ដេច?
សេវភាពកេីតពីច្បាប់មានគោលដៅប្រើប្រាស់ជាប្រយោជន៍សាធារណៈ ឬជាប្រយោជន៍ឯកជន។ សេវភាពកេីតពីច្បាប់ប្រេីរប្រាស់ជាប្រយោជន៍សាធារណៈត្រូវកំណត់ដោយច្បាប់ ឬ បទបញ្ជាពិសេសដែលបង្ខំទៅលើកម្មសិទ្ធិករ។ សេវភាពកេីតពីច្បាប់ប្រេីរប្រាស់ជាប្រយោជន៍ឯកជនកំណត់ព្រំដែនដែលកម្មសិទ្ធិករអាចធ្វើសកម្មភាពមួយចំនួនក្នុងដីរបសខ្លួន លេីកលែងតែតែធ្វើអោយប៉ះពាល់ដល់សិទ្ធិនៃកម្មសិទ្ធិនៃដីជិតខាង។
📌ការបកស្រាយប្រធានបទខាងលើ ក្នុងគោលបំណងចែកចាយនៅចំណេះដឹងដល់ប្រជាពលរដ្ឋយើងបានយល់ដឹងបន្ថែមទាក់ទងនឹងច្បាប់ភូមិបាលយើង ហើយប្រសិនជាមានពាក្យពេចន៍ណាលើសលួស ឬខ្វះខាត សូមមេត្តាខន្តី អភ័យទោសផងបងប្អូន ហើយបងប្អូនអាច comment ឬចែករំលែកបន្ត។ សូមអរគុណទុកមុន!!
📌****ឯកសារយោងៈ ច្បាប់ភូមិបាលឆ្នាំ២០០១
No comments:
Post a Comment