ឯកឧត្តម ជា សុផារ៉ា ៖ គម្រោងលំនៅឋានកំណប់ឋានសួគ៌ ជួយឱ្យភ្នំបូកគោកាន់តែទាក់ទាញភ្ញៀវទេសចរ
ឯកឧត្តម ជា សុផារ៉ា បានឱ្យរដ្ឋមន្ត្រីក្រសួងសាធារណការ និងដឹកជញ្ជូន សិក្សាលើហេដ្ឋារចនាសម្ព័ន្ធផ្លូវ ឡើងមកកាន់តំបន់ទេសចរណ៍មួយនេះផងដែរ។ ហើយលោកក៏បានអំពាវនាវឱ្យអ្នកវិនិយោគលើសំណង់លំនៅឋាន ទាំងជាតិ និងអន្តរជាតិ ជួយចូលរួមចំណែកបោះទុនវិនិយោគនៅលើកំពូលភ្នំបូកគោ ទៅតាមលទ្ធភាពដែលអាចទៅរួច ដើម្បីកែប្រែតំបន់ទេសចរណ៍នេះ ទៅជាតំបន់ទេសចរណ៍មួយនេះកាន់ទាក់ទាញបន្ថែមទៀត។
ដោយឡែកចំពោះលោកស្រី សុខ ចន្ថា អនុប្រធានក្រុមហ៊ុនសុខាអូតែល បានបញ្ជាក់ថា៖ គម្រោងលំនៅឋានកំណប់ឋានសួគ៌ នៅលើភ្នំបូកគោ គឺមាន៤ទីតាំង ទីតាំងទី១-បុរីមរតឋានសួគ៌ ភូមិគ្រឹះបេតុងកម្ពស់២ជាន់ មានចំនួន១៣៩១ខ្នង លើផ្ទៃដីទំហំ១៦ម៉ែត្រ គុណនឹង២២ម៉ែត្រ។ ទីតាំងទី២-បុរីអម្រឹតឋានសួគ៌ ផ្ទះល្វែងកម្ពស់៣ជាន់ មាន៤២៤០ល្វែង មានផ្ទៃដីទំហំ៥ម៉ែត្រ គុណនឹង២១ម៉ែត្រ ក្នុងនោះមានផ្សារ មន្ទីរពេទ្យ និងសាលារៀន។ ទីតាំង៣-ក្រោនអ៊ីស្តេត ភូមិគ្រឹះកម្ពស់៣ជាន់ មាន ៥,៥៨៥ខ្នង លើផ្ទៃដីទំហំ ១០ម៉ែត្រ គុណនឹង១៨ម៉ែត្រ ផ្ទះល្វែងកម្ពស់៣ជាន់ ១៥៩៥២ល្វែង មានផ្ទៃដីទំហំ ៦ ម៉ែត្រ គុណនឹង១៤ម៉ែត្រ និងទីតាំងទី៤ បុរី ម៉ោនស៊ីវីយូ សាងសង់ភូមិគ្រឹះ មានកម្ពស់៣ជាន់ ចំនួន៦៣៧ខ្នង ក្នុងនោះ ភូមិគ្រឹះប្រភេទ-ក ចំនួន៣៦ខ្នងទំហំផ្ទៃដី៣៥ គុណនិង២៥ម៉ែត្រ និងភូមិគ្រឹះប្រភេទ-ខ ៦០១ខ្នងមានផ្ទៃដី២០គុណនឹង២៥ម៉ែត្រ។
ប្រភព ៖ Business Cambodia
No comments:
Post a Comment