យ៉ាងហោចណាស់ត្រឹម៥ឆ្នាំទៀត ផ្លូវសហព័ន្ធរុស្សុីនឹងក្លាយជាតំបន់ខុនដូ ស៊ីវិល័យនៅកណ្តាលក្រុង
ក្នុងដំណាក់កាលដំបូងក្រុមហ៊ុននឹងធ្វើការសាងសង់អគារស្នាក់នៅរួម និងអគារពាណិជ្ជកម្មដែលមានផ្ទៃក្រឡាសរុបប្រមាណ២៥ម៉ឺនម៉ែត្រការ៉េ ត្រូវប្រើប្រាស់ទឹកប្រាក់វិនិយោគជាង១០៥លានដុល្លារអាមេរិក ។ គួររំលឹកថា អគារប៊ូយ៉ុងថោន បានប្រកាសធ្វើការសាងសង់ នៅឆ្នាំ២០១៣ ដែលមកដល់ពេលបច្ចុប្បន្ននេះ ទីក្រុងដ៏ធំនៅកណ្តាលក្រុងមួយនេះ សាងសង់បានប្រមាណ ៧០ភាគរយហើយ ដែលនឹងបង្ហាញទិដ្ឋភាពដ៏ស្រស់ស្អាតនៅកណ្តាលក្រុងភ្នំពេញ។
ដោយឡែក ក្រុមហ៊ុនដ៏ធំរបស់ចិន ពោលគឺព្រីនស៍រៀលអ៊ីស្ទេត បានប្រកាសសាងសង់គម្រោងយក្សអ៊ីនធឺណាសិនណល ផ្លាហ្សា មួយទៀត នៅលើដងផ្លូវដល់ស៊ីវិស័យមួយនេះ ដែលស្ថិតនៅទល់មុខនឹងគម្រោងប៊ូយ៉ុងតែម្តង។
អ៊ីនធឺណាសិនណល ផ្លាហ្សា ផ្លូវសហព័ន្ធរុស្សុី គឺជាគម្រោងអគារពាណិជ្ជកម្មចម្រុះ និងពហុមុខងារធំទីបី របស់ក្រុមហ៊ុនព្រីនស៍ រៀល អ៊ីស្ទេត (ខេមបូឌា) គ្រុប នៅរាជធានីភ្នំពេញ។
ព្រីនស៍ អ៊ីនធើណាសិនណល ផ្លាហ្សា គឺជាគម្រោងខ្នាតធំ ដែលជាអគារចម្រុះ និងពហុមុខងារបែបច្រកចេញចូលតែមួយ ដែលមានទំហំសរុបរហូតដល់២០ម៉ឺនម៉ែត្រការ៉េ មានទីតាំងស្ថិតនៅតាមបណ្តោយ មហាវិថីសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ ជាចំណុចប្រសព្វគ្នារវាងខណ្ឌសែនសុខ ខណ្ឌទួលគោក និងខណ្ឌមានជ័យ ដែលកំពុងមានសន្ទុះអភិវឌ្ឍន៍ខ្លាំងក្លា និងប្រកបដោយសក្តានុពលបំផុត នៅរាជធានីភ្នំពេញ។
គម្រោងអគារពាណិជ្ជកម្មចម្រុះ និងពហុមុខងារនេះ មានអគារសរុបចំនួន៥ ក្នុងនោះ ២អគារជាការិយាល័យ និងអគារប្រណិតចំនួន៣ទៀតជាខុនដូ ដែលក្នុង១អគារមានកម្ពស់១២ជាន់ មាន៤៥៦បន្ទប់ នឹងអាចប្រគល់ជូន អតិថិជនស្នាក់នៅក្នុងចុងឆ្នាំ២០២០នេះផងដែរ។
គម្រោងអគារខុនដូ ដែលមានឈ្មោះថា «លំនៅដ្ឋានអារ៉ាខាវ៉ា»ខុនដូតម្លៃសមរម្យនេះ ត្រូវបានវិនិយោគក្នុងទឹកប្រាក់ចំនួន៧០លានដុល្លារសហរដ្ឋអាមេរិក របស់ក្រុមហ៊ុនមកពីប្រទេសជប៉ុន ដែលមានឈ្មោះថា Arakawa ។ គម្រោងអគារខុនដូ ដែលមានឈ្មោះថា «លំនៅដ្ឋានអារ៉ាខាវ៉ា» នេះបានបែងចែកទី២ដំណាក់កាលធំៗ ដោយក្នុងនោះ ដំណាក់កាលទី១ មាន១០អគារ និងមានប្រមាណ ២០០០យូនីត។
អត្ថបទ៖ ពេជ្រ ស្រីវណ្ណ
No comments:
Post a Comment