សម្តេច ហ៊ុនសែន បង្ហើបថា អរិយក្សត្រ នឹងក្លាយជាខណ្ឌថ្មីមួយនៃរាជធានីភ្នំពេញ

ភ្នំពេញ​ ៖ អរិយក្សត្រនឹងត្រូវកាត់បញ្ចូល ជាខណ្ឌមួយទៀត នៃទីក្រុងភ្នំពេញ​ នៅពេលដែល ធ្វើការសងសង់ស្ពានចម្លងរួចរាល់។នេះបើតាមការឱ្យដឹងតាមរយៈការលើកឡើងរបស់សម្ដេច ហ៊ុនសែននាព្រឹកថ្ងៃទី២៨ ខែកុម្ភៈ ឆ្នាំ២០២០នេះ​ សម្ដេចហ៊ុន សែន ក្នុងពីធីស្រោចស្រពព្រះសុគន្ធវារី ​ប្រគេន​សម្តេច​ព្រះសង្ឃ​នាយករង នៃ​គណៈ​សង្ឃ​នាយក នៅវត្តចំពុះក្អែក។

«បើថា​ធ្វើស្ពានចម្លង​រួចហើយ កាត់តាំង​ពីអរិយក្សត្រ ល្វាឯម ដើម្បីយក​បញ្ចូល​មកភ្នំពេញ​ថែមទៀត។ អាហ្នឹង​ទៅជាខណ្ឌមួយ​របស់​ភ្នំពេញ។ ប៉ុន្តែនិយាយ​អ៊ីចឹង ដីឡើងថ្លៃងាប់ហើយមើលទៅ ​ព្រោះអាហ្នឹងត្រូវធ្វើស្ពាន ២ថែម​ទៀត។ ស្ពាន​មួយ​បាន​សុំកូរ៉េ ពីជ្រោយ​ចង្វារ ទៅ​អរិយក្សត្រ ហើយ​មួយទៀត​ពី​ផ្លូវជាតិ​លេខ១ ឆ្លងកាត់​ត្រឹម​ក្តីតាកុយ ទៅខាង​ល្វាឯម»។នេះជាសម្រង់សម្ដី របស់សម្ដេច ។

តាមប្រសាសន៍របស់សម្តេចតេជោ ហ៊ុន សែនបានឱ្យដឹងថា “តំបន់អរិយក្សត្រនឹងក្លាយជាតំបន់ទីក្រុងរណបនិងជាតំបន់សេដ្ឋកិច្ចមួយដ៏សំខាន់មួយ ដូច្នេះស្ពានតភ្ជាប់ទៅតំបន់នេះមានសារៈសំខាន់ខ្លាំងណាស់ប្រសិនបើកម្ពុជាធ្វើបានគឺអស្ចារ្យបំផុត”។គម្រោងសាងសង់ស្ពាននេះបើត្រូវសាងសង់គឺកើតពីកម្ចីកូរ៉េ ដែលកម្ពុជាទទួលបានកាលពីឆ្នាំ២០១៩ប្រមាណ៧០០លានដុល្លារឯណោះ។

អត្ថបទ៖ ភោគ ម៉ារី