២០២០ អចលនទ្រព្យអ្វី ដែលអ្នកគួរជះលុយទៅវិនិយោគ?

៌ភ្នំពេញ ៖​តម្លៃ​អចល​ទ្រព្យ​នៅក្នុង​ប្រទេស​កម្ពុជា​បាន​ហក់​ឡើង​ខ្លាំង​មិន​ធ្លាប់មាន​នៅក្នុង​ប្រវត្តិសាស្ត្រ​នៃ​ប្រទេសមួយ​នេះ​។ ប៉ុន្តែ​ចាប់ពី​ឆ្នាំ​២០០៨ វិបត្តិ​ហិរញ្ញវត្ថុ​ពិភពលោក​បាន​រុញ​វិស័យ​អចលនទ្រព្យ​ខ្មែរ​ឲ្យ​ធ្លាក់ចុះ​វិញ​យ៉ាង​ឆាប់រហ័ស​។

​រហូតមកដល់​ឆ្នាំ​២០១៣ មុននឹង​ងើបឡើង​វិញ​ស្រឺ​តៗ ហើយក៏​ចាប់​ហក់​ឡើងវិញ​ខ្លាំង​ចាប់តាំងពី​ឆ្នាំ​២០១៧ រហូតមកដល់​ពេលបច្ចុប្បន្ន​នេះ​(២០១៩)​។ តែ​សម្រាប់​ពេលនេះ កង្វល់​ជាច្រើន​បាន​លើកឡើងថា តើ​វាសនា​វិស័យ​អចលនទ្រព្យ​ឆ្នាំ​២០១៩-​ឆ្នាំ​២០២០​ដែល​ទទួលបាន​ការវិនិយោគ​ច្រើន​លើសលប់​ពី​ប្រទេស​ចិន អាច​«​ដួល​» ឬ​«​ប៉ោង​ផ្ទុះ​»​ទៅវិញ ដូច​កាលពី​ឆ្នាំ​២០០៨​ដែល​វិនិយោគ​ដោយ​ជនជាតិ​កូរ៉េខាងត្បូង​ឬទេ​?

ដូចនេះ ឆ្លើយតបជាមួយនឹងសំណួរសួរថា តើឆ្នាំ២០២០ អចលទ្រព្យអ្វីដែលគួរជះលុយវិនិយោគ?

​​ ឆ្លើយតបជាមួយនឹងសំណួរនេះ អ្នកជំនាញ ជាច្រើនរូប បានលើកឡើងទស្សនៈស្រដៀងៗគ្នាថា នៅឆ្នាំ២០២០ អចលទ្រព្យផ្សេងៗដូចជា ខុនដូ ផ្ទះបុរី ក៏ដូចជាដីធ្លីមិនសូវជា មានការពុះកញ្ជ្រោលខ្លាំងនោះទេ ហើយសកម្មភាពទិញលក់ ក៏មិនច្រើនណាស់ណាដែរ បានន័យថា ហាក់ធ្លាក់ចុះបន្តិច។

ពួកគាត់បានលើកឡើងទៀតថា បានលើកឡើងថា ការវិនិយោគដែលល្អបំផុតសម្រាប់ឆ្នាំ ២០២០ គឺដីធ្លីជាយក្រុង ប៉ុន្តែអ្នកជំនាញបានបង្ហាញថា បើវិនិយោគលើដីធ្លីប្រភេទដីពុះឡូតិ៍តូចៗ អ្នកអាចខកចិត្ត ព្រោះតម្លៃ មិនអាចឡើងទៅណាបានទៀតឡើយ។ តែបើយើងសង្កេតមើល ដីធ្លីប្រភេទធំៗ ដែលអ្នកអាចមើលទៅអាចរកចំណូលឲ្យអ្នកវិញបាន វិនិយោគទៅ មិនខុសឡើយ។

ម្យ៉ាងវិញទៀត ចំពោះវិស៧យខុនដូ ក៏ត្រូវប៉ាន់ដែរ ព្រោះ ពេលនេះចិនចាកចេញ តម្លៃក៏ហាក់នៅទាបនៅឡើយ ដូចនេះ រយៈពេល៣ ទៅ៥ឆ្នាំទៀត ខុនដូនិងសាងសង់រួច ហើយរយៈពេល ៣ ទៅ៥ឆ្នាំទៀត លំហូរនៃបរទេសមកកាន់កម្ពុជា ក៏ច្រើន ពេលនោះជាឱកាស ដែលយើងអាចលក់បន្ត ឬដាក់ជួលបាន ទទួលបានកម្រៃពីអចលទ្រព្យរបស់យើងថែមទៀតផង។