ប្រធានបទថ្ងៃនេះ និយាយអំពី (ទម្រង់នៃកម្មសិទ្ធិ) ដូចម្ដេចដែលហៅថាកម្មសិទ្ធិអវិភាគ?
ដើម្បីឆ្លើយតបនិងសំណួរនេះខ្ញុំសូមពន្យល់ពាក្យជាមុនសិន មានន័យថា=ជាកម្មសិទ្ធដែលមិនអាចហែកចែកគ្នាបាន។
ឧទាហរណ៍ថា ផ្ទះ របស់ ពុកម៉ែ គាត់ មានកូន5 នាក់ ហើយគាត់ស្លាប់ទៅដោយមុននិងស្លាប់ គាត់មិនបានប្រាប់ថាអោយកូនណាមួយទេ ដូច្នេះបើតាមន័យនៃច្បាប់ កូនណាមួយនៃកូនទាំង5មិនអាចធ្វើការបែងចែកផ្ទះនោះជាចំណែកកម្មសិទ្ធិឯកជនរបស់នណារម្នាក់បានឡើយ។ មាត្រា១៦៨=ដែលហៅថាកម្មសិទ្ធិអវិភាគជាកម្មសិទ្ធិលើទ្រព្យតែមួយជារបស់បុគ្គលច្រេីននាក់។ បុគ្គលទាំងនោះជាកម្មសិទ្ធិករ អវិភាគ។ កម្មសិទ្ធិករអវិភាគម្នាក់ៗមានចំនែករបស់ខ្លួនក្នុងទ្រព្យនោះបន្តែទ្រព្យនោះមិនអាចពុះចែកគ្នាបានឡេីយ។
- តើម្ចាស់កម្មសិទ្ធិករម្នាក់ៗដែលជាចំណែកនៃ កម្មសិទ្ធិអវិភាគនោះអាចលក់ដូរចំនែករបស់ខ្លួនបានដែរឬទេ? និងមួយសំណួរទៀត ថាតេីម្ចាស់បំណុលនៃម្ចាស់កម្មសិទ្ធិករអវិភាគណាមួយអាចរឹបអូសទ្រព្យដែលជាចំណែកណាមួយនៃទ្រព្យនោះបានដែរឬទេ?
មាត្រា១៦៩=កថាខណ្ឌទី២បានសរសេរថាម្ចាស់កម្មសិទ្ធិករម្នាក់ៗអាចលក់ចំនែកឬ ចុះកិច្ចសន្យាផ្សេងៗលើចំណែកណាមួយដែលជារបស់ខ្លួន។ ម្ចាស់បំណុលរបស់គេម្នាក់ៗអាចរឹបអូសចំណែកនៃទ្រព្យរបស់អ្នកនោះបាន។
📌ការបកស្រាយប្រធានបទខាងលើ ក្នុងគោលបំណងចែកចាយនៅចំណេះដឹងដល់ប្រជាពលរដ្ឋយើងបានយល់ដឹងបន្ថែមទាក់ទងនឹងច្បាប់ភូមិបាលយើង ហើយប្រសិនជាមានពាក្យពេចន៍ណាលើសលួស ឬខ្វះខាត សូមមេត្តាខន្តី អភ័យទោសផងបងប្អូន ហើយបងប្អូនអាច comment ឬចែករំលែកបន្ត។ សូមអរគុណទុកមុន!!
📌****ឯកសារយោងៈ ច្បាប់ភូមិបាលឆ្នាំ២០០១
No comments:
Post a Comment