ដូចម្ដេចដែលហៅថា សហកម្មសិទ្ធិ?
កម្មសិទ្ធិតែមួយជារបស់ប្រជាជនច្រើននាក់។ ឧទាហរណ៍ថា មនុស្សច្រើននាក់រួមគ្នាទិញឡានមួយគ្រឿង។ ឡានមួយគ្រឿងនោះគេហៅថា សហកម្មសិទ្ធិ។ ដែលហៅថាសហកម្មសិទ្ធិគឺជាកម្មសិទ្ធិលើទ្រព្យជា អចលនវត្ថុរបស់បុគ្គលច្រើននាក់បែងចែកតាមឡូត៍ដែលម្នាក់ៗបានមួយចំណែកជារបស់ឯកជន ហេីយមួយចំណែកទៀតជាផ្នែកនៃទ្រព្យរួម។ (មាត្រា១៧៥) ឧទាហរណ៍ដូចជាដីឡូត៍យេីងលក់សព្វថ្ងៃហ្នឹង គេហៅថាជាសហកម្មសិទ្ធិហេីយ។
- ចំពោះសហកម្មសិទ្ធិករ នៅក្នុង សហកម្មសិទ្ធិតេីអាចមានសិទ្ធិអ្វីខ្លះ? និង មានមិនមានសិទ្ធិអ្វីខ្លះ?
មាត្រា១៧៧=សហកម្មសិទ្ធិករដែលជាម្ចាស់កម្មសិទ្ធិទៅចំណែកណាមួយនៃទ្រព្យរបស់ខ្លួនមានសិទ្ធិពេញលេញលេី ចំណែកឯកជនរបស់ខ្លួនដោយមិនបំពានទៅលើចំនែករួម និងមិនរំខាន ឬរាំងស្ទះដល់ការប្រើប្រាស់ចំនែករួមទៅដល់ សហកម្មសិទ្ធិករដទៃទៀតឡើយ។ សហកម្មសិទ្ធិករទាំងនោះអាចជួល ឬ បង្កើត ផលុបភោគ រៀបចំសិទ្ធិប្រេីរប្រាស់និង អាស្រ័យនៅ ដាក់ ហុីប៉ូតែក ដាក់បញ្ចាំនូវចំនែកឯកជនរបស់ខ្លួន។ សហកម្មសិទ្ធិករមិនអាចធ្វើ ឬ មិនមានសិទ្ធិធ្វើ ការបង្កើត សេវភាពទៅលើចំនែករបស់អ្នកដ៏ទៃបានទេ។ ✨ពន្យល់ពាក្យ=ផលុបភោគ=សិទ្ធិបរិភោគ និងសិទ្ធិប្រេីរប្រាស់ និងផលទុនដែលកេីតពីទ្រព្យជាកម្មសិទ្ធិរបស់អ្នកដ៏ទៃ។
👨💻ការបកស្រាយប្រធានបទខាងលើ ក្នុងគោលបំណងចែកចាយនៅចំណេះដឹងដល់ប្រជាពលរដ្ឋយើងបានយល់ដឹងបន្ថែមទាក់ទងនឹងច្បាប់ភូមិបាលយើង ហើយប្រសិនជាមានពាក្យពេចន៍ណាលើសលួស ឬខ្វះខាត សូមមេត្តាខន្តី អភ័យទោសផងបងប្អូន ហើយបងប្អូនអាច comment ឬចែករំលែកបន្ត។ សូមអរគុណទុកមុន!!
****ឯកសារយោងៈ ច្បាប់ភូមិបាលឆ្នាំ២០០១
No comments:
Post a Comment