កម្ពុជា​ត្រូវ​បាន​ក្រុមហ៊ុន​ដ៏​ល្បី​ជ្រើស​យក​ជា​ទីតាំង​បន្ទាប់​ដេីម្បី​សាងសង់​សណ្ឋាគារ

ភ្នំពេញ ៖  ក្រុមហ៊ុនអភិវឌ្ឍន៍សណ្ឋាគារមួយដែលមានឈ្មោះបោះសម្លេងយ៉ាងល្បីល្បាញ មានទីតាំងមូលដ្ឋាននៅក្នុងទឹកដីChicago ហើយធ្លាប់ធ្វើការសាងសង់នូវគម្រោងប្រមាណជិត២០០ កន្លែង ក្នុងប្រទេសប្រមាណ៣០ កំពុងត្រៀមខ្លួនវិនិយោគបន្ថែមក្នុងប្រទេសម៉ាឡេស៊ីនិង ប្រទេសកម្ពុជាយើងផងដែរ។

សម្រាប់ទីតាំងក្រុមហ៊ុននេះធ្លាប់ធ្វើការសាងសង់ពីមុនមកមានដូចជា នៅ New York, Paris, Atlanta, Chicago និងMiami និងនៅប្រទេសជឿនលឿនដទៃទៀផងដែរ។

ដោយឡែកយោងតាមការបង្ហោះគណនេយ្យហ្វេសប៊ុន របស់ជនជាតិម្នាក់ឈ្មោះ彭晙誠 កាលពីថ្ងៃទី១២ ខែកុម្ភៈ ឆ្នាំ២០២០នេះ បានឱ្យដឹងថាក្រុមហ៊ុនសណ្ឋាគារ Hyattមានគម្រោងវិនិយោគលើទឹកដីប្រទេសកម្ពុជាយើងនិងទឹកដីនៃប្រទេសម៉ាឡេផងដែរ។

ហើយកន្លងមកក្រុមហ៊ុននេះក៏ទួលបានជោគជ័យលើគម្រោងរបស់ខ្លួនក្នុងទឹកដីម៉ាឡេស៊ីផងដែរ មិនខុសពីប្រទេសយើង ដែលក្រុមហ៊ុននេះក៏បានបោះទុនវិនិយោគ សាងសាងសណ្ឋាគារដ៏ស្រស់ស្អាតមួយរួចមកហើយដែលមានឈ្មោះថា Hyatt Regency Phnom Penh មានកម្ពស់ ១៤ជាន់ ក្រឡាផ្ទៃសំណង់ ៤៧,៤០០ ម៉ែត្រក្រឡា លើផៃ្ទដីទំហំ ៧,០៣២ ម៉ែត្រក្រឡា ចំណាយទុនប្រមាណ១០០ លានដុល្លារអាមេរិក។

មកដល់ពេលនេះ គម្រោងសាងសង់សម្រេចបានប្រមាណ៩០% ហើយ ដែលត្រៀមនឹងបញ្ចប់ក្នុងឆ្នាំ២០២០នេះ។ ទាក់ទងនឹងសេវាកម្មតបស់សណ្ឋាគារនេះ មានផ្ដល់ជូននូវភោជនីយដ្ឋាន ក្លឹប​ហាត់ប្រាណ ស្ប៉ានិងអាងហែលទឹក ព្រមទំាងស្កាយបារ ដែល​អាច​គយ​គន់​ទេសភាពនៃ​ព្រះ​បរមរាជវាំង​ ទន្លេ​មេគង្គ និងទន្លេសាប។

គួររំលឹកផងដែរថា ក្រុមហ៊ុន ជីប ម៉ុង គ្រុប បានចុះអនុស្សរណៈយោគយល់គ្នា ជាមួយនឹងក្រុមហ៊ុន ហាយ៉ាត់ ហូតែល និងរីសត (Hyatt Hotels & Resorts) ដើម្បីគ្រប់គ្រងសណ្ឋាគារ ហាយ៉ាត់ រីជិនស៊ី (Hyatt Regency hotel) នេះ តាំងពីឆ្នាំ២០១៦មក។

តាមរយៈការចាប់អារម្មណ៍ក្នុងការវិនិយោគ លើវិស័យសំណង់ជាបន្តបន្ទាប់នេះ យើងជឿជាក់ថា កម្ពុជានឹងកាន់តែមានភាពសម្បូរបែប ដែលរួមចំណែកកាន់វិសេសវិសាលក្នុងការលើកស្ទួយមុខមាត់ ប្រទេសជាតិយើង។ហើយក៏សម្ឃឹមថា ប្រជាពលរដ្ឋយើងអាចចាប់ឱកាសលើការវិនិយោគនានាទៅតាមលទ្ធភាពលើវិស័យអចលនទ្រព្យនេះ ដើម្បីសេដ្ឋកិច្ចផ្ទាល់ខ្លួនក៏ដូចជា ប្រទេសជាតិកាន់តែមានសន្ទុះផងដែរ។

អត្ថបទ ៖ ភោគ ម៉ារី