៣ឆ្នាំទៀតវិស័យខុនដូនឹងរំលេចខ្លួនច្រូងច្រាងលើទឹកដីថ្មី ក្បែរក្រុង
កន្លងមកអ្នកជំនាញរូបនេះក៏បានលើកឡើងដែរថា បើសង្កេតតែក្រុងតាខ្មៅតែម្ដង គឺតម្លៃអចលនទ្រព្យមិនអាចឡើងបានទេ គឺកត្តាជះឥទ្ធិពលពីតំបន់ជិតខាង ជាពិសេសគឺភាពរីកចម្រើននៃតំបន់៦០ម៉ែត្រ ពិសេសគឺស្ថិតនៅក្បែរគម្រោងផ្សារទំនើបអ៊ីអ៊នទី៣ និងគម្រោងបុរីលំនៅឋានល្បីៗជាច្រើនទៀត ក៏កំពុងអភិវឌ្ឍន៍នៅទីនោះដែរ។ លោកលើកឡើងថា សម្រាប់រយៈពេល២ឆ្នាំចុងក្រោយនេះ ក្រុងតាខ្មៅមានសក្តានុពលខ្លាំងណាស់ដោយសារកត្តាទីតាំងភូមិសាស្រ្តដ៏គាប់ប្រសើរ គឺមានចម្ងាយជិតភ្នំពេញបំផុត អ្វីដែលពិសេសគឺការលេចលឺគម្រោងប្រលានយន្តហោះដ៏ធំ ដែលជាហេតុធ្វើឱ្យសក្ដានុពលខេត្តទាំងមូលកំពុងមានភាពរីកចម្រើនខ្លាំង ។
គួរបញ្ជាក់ផងដែរថាកន្លងមក លោក ស៊ិន ចាន់សិរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរស៊ីវិល លោកបានអំពាវនាវដល់វិនិយោគិននានា ត្រូវសិក្សាពីច្បាប់សាងសង់ឱ្យបានច្បាស់លាស់ជាមុនសិន ព្រោះទីក្រុងតាខ្មៅ គឺជាកន្លែងដែលត្រូវបានជ្រើសរើសជាទីតាំងសាងសង់ព្រលានយន្តហោះថ្មី។
លោកបន្ថែមថា តាមច្បាប់សាងសង់ក្បែរព្រលានក្នុងរង្វង់៥គីឡូម៉ែត្រជុំវិញព្រលានយន្តហោះ មិនអាចសាងសង់អគារខ្ពស់បាននោះឡើយ ហើយចំងាយលើសពី៥គីឡូម៉ែត្រឡើងទៅ ក៏ត្រូវស្ថិតនៅក្នុងច្បាប់ត្រួតពិនិត្យនិងសិក្សាស៊ីជម្រៅជុំវិញហានិភ័យនានាផងដែរ។
គួរជម្រាបផងដែរថា យោងតាមសេចក្ដីប្រកាសដែលចេញដោយទីស្ដីការគណរដ្ឋមន្ត្រី កន្លងមកបានឱ្យដឹងថា ក្រុងតាខ្មៅបានក្លាយជាបេក្ខភាពជាប់ជ័យលាភីជាទីក្រុងទេសចរណ៍ស្អាតអាស៊ានលើកទី២ផងដែរ។ហើយមួយរយៈចុងក្រោយនេះមានគម្រោងថ្មីៗជាច្រើនហោះចូលក្នុងតំបន់នេះ ពិសេសលើវិស័យហេដ្ឋរចនាសម្ព័ន្ធតែម្ដង ដែលធ្វើឱ្យកេរ្តិ៍ឈ្មោះទឹកដីនេះកាន់តែមានភាពល្បីល្បាញ។
អត្ថបទ៖ ភោគ ម៉ារី
No comments:
Post a Comment