តេីនិតិបុគ្គល និង រូបវន្តបុគ្គលសញ្ជាតិណាដែលអាចមានសិទ្ធិជាម្ចាស់កម្មសិទ្ធិករ លេីអចលនទ្រព្យក្នុងប្រទេសកម្ពុជា?
មាត្រា៨ កថាខណ្ឌទី១ មានតែរូបវន្តបុគ្គល និង និតិបុគ្គល សញ្ជាតិខ្មែរតែប៉ុណ្ណោះដែលអាចមានសិទ្ធិជាម្ចាស់កម្មសិទ្ធិករលេីអចលនទ្រព្យក្នុងប្រទេសកម្ពុជា។ ខ្ញុំសូមពន្យល់ពាក្យពីបន្តិចសិន រូបវន្តបុគ្គល=មានន័យថាជាមនុស្សម្នាក់ដែលមានឆ្អឹងឆ្អែង មានសក់ មានសាច់ឈាម អណ្ដាត ធ្មេញ សសៃ មានដៃ ជើង និយាយជារួមមក គឺមួយតួខ្លួនរបស់មនុស្សម្នាក់ៗហ្នឹងគេហៅថា រូបវន្តបុគ្គល។ ចំនែកឯពាក្យថា និតិបុគ្គល វិញមានន័យថាក្រុមមនុស្សចាប់ពីៗនាក់ឡើងទៅ បង្កើតទៅក្រុមហ៊ុនរកសុី ឬសមាគម សហគមន៍ សហគ្រាសសាធារណៈ គឺគេហៅថានិតិបុគ្គល។ មាត្រា៨ដដែលកថាខណ្ឌទី២ អ្នកមានឧបនិស្ស័យជាកម្មសិទ្ធិករនៅលេីទឹកដី កម្ពុជា គឺពលរដ្ឋខ្មែរទាំងអស់សមត្ថភាពដែនដីសាធារណៈ គ្រិះស្ថានសាធារណៈ សហគមន៍ ឬ សមាគមកម្ពុជា សហគ្រាសសាធារណៈ និងក្រុមហ៊ុនសុីវិល ឬ ពាណិជ្ជកម្មកម្ពុជា និងគ្រប់អង្គការកម្ពុជាដែលបានទទួលស្គាល់ដោយច្បាប់ថាជានិតិបុគ្គល។ ជនបរទេសដែលបានក្លែងបន្លំប័ណ្ណសញ្ជាតិដេីម្បីអោយក្លាយទៅជាកម្មសិទ្ធិករលេីអចលនទ្រព្យក្នុងប្រទេសកម្ពុជា និងត្រូវផ្តន្ទាទោសទៅតាមមាត្រា២៥១នៃច្បាប់ភូមិបាលនេះ ហើយទ្រព្យសម្បត្តិទាំងអស់នោះនិងចាត់ចូលជាសម្បត្តិរបស់រដ្ឋ។ មាត្រា២៥១= ជនណាដែលក្លែងបន្លំប័ណ្ណក្នុងគោលបំណងយកទៅប្រើប្រាស់ជាផ្លូវការទោះក្នុងរូបភាពអ្វីក៏ដោយត្រូវផ្តន្ទាទោសដាក់ពន្ធនាគារពី១ឆ្នាំ ដល់៥ឆ្នាំ។
មាត្រា១០= តេីកម្មសិទ្ធិរបស់បុគ្គលម្នាក់ទោះជារូបវន្តបុគ្គលក្ដី និងនិតិបុគ្គលក្ដីគេហៅជាកម្មសិទ្ធិដូចម្ដេច?
ទោះជារូបវន្តបុគ្គលក្ដី និតិបុគ្គលក្ដី កម្មសិទ្ធិបែបនេះគេហៅថាជាកម្មសិទ្ធិឯកជន។ រីឯទី២នៃមាត្រាដដែលបានចែងថា កម្មសិទ្ធិបុគ្គលមួយក្រុមដែលមានបុព្វសិទ្ធិរៀងៗខ្លួនតាមរយៈច្បាប់ដែលមានបញ្ញត្តិអំពីកម្មសិទ្ធិនេះគឺ កម្មសិទ្ធិសមូហភាព។
**ឯកសារយោងៈ ច្បាប់ភូមិបាល ២០០១
*****ការបកស្រាយប្រធានបទខាងលើ ក្នុងគោលបំណងចែកចាយនៅចំណេះដឹងដល់ប្រជាពលរដ្ឋយើងបានយល់ដឹងបន្ថែមទាក់ទងនឹងច្បាប់ភូមិបាលរបស់ព្រះរាជាណាចក្រកម្ពុជារបស់យើង ហើយប្រសិនជាមានពាក្យពេចន៍ណាលើសលួស ឬខ្វះខាត សូមមេត្តាខន្តី អភ័យទោសផងបងប្អូន។ ហើយបងប្អូនអាច comment ដើម្បីកំណែទំរង់អត្ថន័យ ឬក៏ជួយចែករំលែកវីដេអូខាងលើបន្ត។ សូមអរគុណទុកមុន!!
No comments:
Post a Comment